سلّة فــواكه
بناء على رغبة وخَيتي نون النساء
قلت ابرّد خاطرها واشبع فضولها
واشرحلها ولو بشكل سطحي معنى الـ بمبرة -مُفرد بمبر
:
أذكر لمّا كنّا صغار، فبيت ابوي العود
كانت هناك شجرة كبييييرة على طرف الحوش
وكانت مسببتلنا مشكلة كبيرة،
بما ان طايح نصها، وبكذا طاحت بجبدنا
كنا نلف الحوش جري او بأي وسيلة نقل مشروعة أو غير مشروعة :)
ولما نوصل عندها نضطر نكوّع ، بمعنى آخر نغيّر وجهتنا :)
ومب هذي المشكلة
المشكلة كانت لمّا تفرخ هالشجرة،
وتطلّعلك حاجات ومحتاجات مالها داعي نهائياً..!
تنتج في كل صيف عيال مكوّرين الشكل
كبر الـ مشمشة تقريبا، وبنفس لونها اذا مب افتح شوي
جلدتها تكون مسطّحة، اممم يعني مثل القوج ، ولا تقولون لي شنو القوج لأني حاولت افصّح اللغة فيه ماعرفت!
هذي الثمرة البنفسجية المتدرجة للأحمر شوي الصغيرة،
قلت ابرّد خاطرها واشبع فضولها
واشرحلها ولو بشكل سطحي معنى الـ بمبرة -مُفرد بمبر
:
أذكر لمّا كنّا صغار، فبيت ابوي العود
كانت هناك شجرة كبييييرة على طرف الحوش
وكانت مسببتلنا مشكلة كبيرة،
بما ان طايح نصها، وبكذا طاحت بجبدنا
كنا نلف الحوش جري او بأي وسيلة نقل مشروعة أو غير مشروعة :)
ولما نوصل عندها نضطر نكوّع ، بمعنى آخر نغيّر وجهتنا :)
ومب هذي المشكلة
المشكلة كانت لمّا تفرخ هالشجرة،
وتطلّعلك حاجات ومحتاجات مالها داعي نهائياً..!
تنتج في كل صيف عيال مكوّرين الشكل
كبر الـ مشمشة تقريبا، وبنفس لونها اذا مب افتح شوي
جلدتها تكون مسطّحة، اممم يعني مثل القوج ، ولا تقولون لي شنو القوج لأني حاولت افصّح اللغة فيه ماعرفت!
هذي الثمرة البنفسجية المتدرجة للأحمر شوي الصغيرة،
عرفتوها؟ الحمدلله
المهم،
قلنا ولد مكوّر ذو جلدة قاسية،
لكن الظريف في الأمر انّه من الداخل يعكس صورة أخرى،
يعني صحيح من برع يوحيلك بأنه صلب، لكن على العكس تماماً تلاقي مُحتواه ولا شي :)
مجرّد شي لزج ملطّخ على بعضه شفاف لوّع الله جبد العدو بوسطه بذرة مادري شموقعها من الإعراب
الله يكرم النعمة بس :)
سهل الأكل، يعني مُجرّد ماتمسكينه، بفرّة اصبع يكون الداخل في الفم والخارج على الصينية :p
على فكرة ماله رائحة، مو أقولكم شي ماله لا أول ولا تالي!
:
آآآآخ
ياما وياما طاحوا الطّيحة ورى الثانية بسبّته
يجونك ركض من بعيد وإلا فرررررررر انزلاق انشكاح انسطاح
مو انا طبعا، الغير :p
يعني كان يسبب رطوبة في الأرض، تمنع من التداول واللعب الحُر
:
اما عن مذاقه، بصراحة ماتجرأت اجربه ولو من سبيل الدعابة!
كنت اشمئز من طاريه الله يسامحنا بس!
:
عموماً
كان نفسي نفسي نفسي أعرض لـ هالمدعوق صورة
لكن للأسف شُهرته مب عالمية
والأهل شدّوا من زمان :)
هذا هُو بكل اختصار
واذا فيه اي استفسار حاظرين :p
:
أما بخصوص ليش أطلقوا المثل اللي يقول "مالت على البمبر"،، فهو له تكمله
يصير بعدها: مالت ع البمبر في الشّتا
فيعني أعتقد يُقصد كـ تمويه لرداءة الحظ، بما أن البمبر لا يَظهر في الشتاء من الأساس!
فيعني كانت صورة بيانية لا أكثر ولا أقل
أو يمكن لأن فيه هالمادة اللي لا ينعرف حقها من باطله
ومثلها مثل (مالت على الباميا & مالت على البيديان)،، والذّمة على الراوي :)
:
تحياتي لـ سعة صدوركم وتحمّلكم
والسمووووحة على المغثّة :)
posted by شَـــ ـوْق @ 11/17/2005 03:54:00 م
13 Comments:
لا حرام عليك عقدتيها زياده
خلينا على اسمها احسن
لووووووول من قد البمبر شرح شطوله شعرضه و القهر ان ما ناكله وايد .. و صج مالت على البمبر لي زرع فالشتا.. سؤال البوبر نفس البمبر ؟ و جزاج الله خيرا على هاذي الخدمة العظيمة :)
~ se3loah ~...
أفااااا، وليش يالغلا؟
انا قلت بنرضيك الحين، ماهقيتها!
:p
عموماً، روقي حبيبتي
وربّك بيهوّنها :)
عشان خاطر الغوالي
متفرغ..
شفت شلون، دنيا..
ناس عايشة وتلاقي من يصف الحجي فيها مقالات،
وناش مووش لاقية! :p
اما بخصوص البوبر، والله اخوي يفداك الكذب ماعندي علم
انت شوف الشرح اذا تطابق توكل على الله :)
ويجزينا وإياك جنّات النعيم :)
السلام:)
عقب هالشرح الظريف اللطيف يفترض ان
"مالت على البمبرة"
تنقال للدلالة على الحظ اللي يكسر الصخر
تدرين ليش ؟ من بختها البمبرة اللي لقت احد
معبرها و واصفها هالوصف .. اشلون يقولون
حظها ردي؟؟!!ا
...
بس عندي تساؤل بسيط .. قلتي آخر شي على
الذمة على الرواي .. أحد يعرفه يا جماعة؟؟!!ا
سلام يا شوق:)
و الله هالبمبرة مثل بيض الصعو نسمع فيها و لا نشوفها
بس مشكورة على الوصف الدقيق الظريف
^_^
طائر بلا وطن...
عليك السلام والرحمة :)
ماشاء الله ايش هذا الغزل الصريح في الـ بمبرة!
اشوفها خذت بعقولكم ياخوي،، والله شاطرة :p
ياخوي والله لا حظ يكسر الصخر ولا هم يحزنون
ولكن عرب، نسوي من الحبّة قبّة :)
وحياك الله
ونورت :)
ClOuDs...
لوووول..!
لا تخليني أزرعها من الحين،
على قبال الصيف تكون فتّحت
وكلّه لعيونج نصورها ;)
والعفو يالغالية، وكل يوم تعالي :)
طائر بلا وطن..
صحيح، نسيت، اقصد تذكرت
الرااااوي،،
اللي على راسه بطحه يحسس عليها :P
ابجى على المبره وابجى على التينه
كانت بداية معها فى المسرحيه عدالرحمن العقل
وانتهت علاقتى معاها بعد المسرحيه
واتذكر
عندما شفت الكيوي
متجمعين انا والعايله نشوفها
والوالده جنها عالم آثار وهى تشوفها
وتقول سبحان الله
(:
qalm-jaf...
تينة؟ والكيوي؟
وبعد تبجي على البمبرة
خير ان شاء الله :)
المهم تكون الصورة وضحت للمفهوم العام
اللهم قد بلغت اللهم فاشهد :)
والله يحفظلك الوالدة وكل من تحب :)
أبييه يا شووق
بس عرفته عرفته
يافشييلتي اثاريني اعرفه بس ما اعرف اسمه
ههههههههههه
ويلي على البمبرة وويلي على التينه
وهاذي صورة له
http://www.w6w.net/upload/31-07-2005/w6w_200507312007336b7d24fd.jpg
http://www.w6w.net/upload/31-07-2005/w6w_20050731195834c9be6fa4.jpg
لأ أبيه صج مالت على البمبر
على طاري الطوفه والتفلع ذكرتيني بأيام البحرين جيران اهلي اهناك كان عندهم شجرة توت اتخيلي انواع الرسم على طوفة بيتهم البيضاء بالعصير مالة
هههههههههههههههههه
نون النساء..
أول شي ريلالالاكس،
هدّي اعصابج،، شربي ماي :P
وعليج نووور، والله شطورة ووالنعم فيج!
كفو جبتيها ;)
هاه الحين طاحت الحصاة؟ عرفتي البمبر؟
البمبر وما أدراكِ ماالبمبر
تصدقين كنت ناوية انزل صورتج فالبوست،عشان تكون مرجع
لكن خفت على أصحاب القلوب الضعيفة، موشي بالمرّة :)
:
:
بخصوص الطوفة، هذي تهون محد يركب الطوف غير القطاو
البمبر كان منثّر على الأرض وملزّق فيها واي حد يمشي بالغلط ذاك الصوب تكون راحت عليه :)
عموماً
فرحتيني والله، ماراح تعبي خسارة :)
حياج يالغلا
<< Home